सिमरा : पथलैया बिरगञ्ज ब्यापारिक मार्ग अन्तर्गत बाराको जीतपुरसिमरा उपमहानगरपालिकाको तराई यातायात ब्यवसायी संघ नजिकै बसको ठक्करबाट एउटा हरिण मरेको छ ।
बिहान करिब ९ः५५ बजे बाटो काटेर पारि जाँदै गरेको हरिणलाई तिब्र गतीमा रहेको बसले ठक्कर दिएको प्रतक्षदर्शी स्थानियले बताएका छन् ।
मृत हरिण गर्भवती रहेको र बसको ठक्करबाट पेट फुटेर बच्चा समेत मरेको स्थानिय भुवन थापाले जानकारी दिए ।
उता पर्सा राष्ट्रिय निकुञ्जका सहायक संरक्षण अधिकृत अशोक कुमार रामले दुर्घटनाबारे बुझ्नका लागी कार्यालयको टोली त्यसतर्फ पठाईएको बताए ।